धादिङ, मंसिर २१ – धादिङको मलेखुमा चितुवाको छाला सहित ३ जना पक्राउ परेका छन् ।

झोलामा चितुवाको छाला बोकेर ग्राहक खोजिरहेको अवस्थामा प्रहरीले धादिङ महादेवस्थानका २३ बर्षिय सेतुलाल तामाङ, २७ बर्षिय पूर्ण लामा र मकवानपुर खैराङका सुकलाल तामाङलाई पक्राउ गरेको धादिङका प्रहरी प्रमुख विकासराज खनालले जानकारी दिनुभयो ।  

टाउकोदेखि पुच्छरसम्मको ७ फिट ४ इन्च लामो चितुवाको छालाको मूल्य उनीहरुले २ लाख रुपैयाँ तोकेका थिए । उनीहरुलाई कारबाहीका लागि जिल्ला वन कार्यालयमा बुझाइने प्रहरीले जनाएको छ ।

गाउँमा पटक पटक वाख्रा खाएर दुःख दिएपछि गाउंलेहरु मिलेर चितुवा मारेको र छाला विक्री गर्दा पैसा आउने थाहा पाएर बिक्री गर्न बजार आएको पक्राउ परेकाहरुले बताएका छन् ।