२५ कात्तिक, काठमाण्डौ । एकीकृत नेकपा माओवादीका अध्यक्ष पुष्पकमल दाहाल प्रचण्डले बजेटमा सहमति जुटाउन पहल थाल्नुभएको छ । उहाँले शनिबार बिहान अर्थमन्त्री वर्षमान पुन अनन्तसंग आफ्नै निवासमा सहमतिमा बजेट ल्याउने विषयमा छलफल गर्नुभएको छ ।

राष्ट्रपति डा. रामवरण यादवसंग तत्काल बजेटमा सहमति जुटाउने बताएका प्रचण्डले शनिबार बिहानैदेखि पहल थाल्नुभएको हो । प्रचण्डले शनिबार नै पूर्वअर्थमन्त्री र विज्ञसंग दिउँसो छलफल गर्ने तयारी भएको उहाँको नीजि सचिवालयले जनाएको छ ।

बजेटकै विषयमा बेलुकी एकीकृत नेकपा माओवादी र संयुक्त लोकतान्त्रिक मधेसी मोर्चाका शीर्ष नेताबीच प्रधानमन्त्री निवास बालुवाटारमा छलफल हुने भएको छ ।